Najgorzej jest rano, kiedy budza sie, nawet w moim łóżku jest zimno.
Wiem, na pewno pogoda będzie zło, choć jeszcze na placu jest ciemno.
Cołki śląski rok ciągiem pado deszcz i piździ zimny wiater.
Biera gazeta, ida do haźla, nie myśla o tym.
Woda śmierdząco potem gotuja, robia sie mocno kawa,
Wczorejszo żymła się trocha pożuja, na zaś sie zostawia.
Biera klapsznita, ida na szychta, wdychom z "Azotów" dymy
Tam przy chlywiku Ziga na mie czeko, razym idymy.


W moim familoku wolno płynie czas
W moim czornym familku męczy mie kac
W moim familoku nie chce sie żyć
W moim czornym familoku nie czekom na nic ...


Na grubie jo cięgiem pracuja do kraju kożdy mój długi dzień.
Pienięndzy ledwo starczo na żymła, wyglondom choby jak chudy cień.
Codziennie zjeżdżom, nie wiem czy wyjada i czy pójda ze sztajgrem na piwo.
Som jo nie wiem jak jo daja rada, wszyscy się mi dziwią.
W szynku z chopcami godomy o czasach, kiej nom trocha lepiej było,
Godomy o dziołchach, o starych szpilach, nic się sam nie zmieniło
Syfiaty plac, bajtle syfiate durś po gelyndrach zjeżdżają.
Zawalił sie haziel, było huku wiela, stare hajdle ino o tym klachają.


W moim familoku wolno płynie czas
W moim czornym familku męczy mie kac
W moim familoku nie chce sie żyć
W moim czornym familoku nie czekom na nic ...


Wracom do dom chce mi sie żryć, trocha z wczoraj wusztu mom.
Zaciągom gardiny, siadom na rzić zaś jes żech cołkiem som.
Choć oma z rajchu listy posyło, żebych tam do niej pojechoł,
Choby gibsdeka się na mie zwaliła - nie byda uciekoł, nie!


W moim familoku wolno płynie czas
W moim czornym familku męczy mie kac
W moim familoku nie chce sie żyć
W moim czornym familoku nie czekom na nic ...